બાપ રે… સિરાજે શું ગજબનો કેચ પકડ્યો છે!: બાઉન્ડરી પર છલાંગ લગાવીને ઊંધે માથે પટકાયો; નેત્રાવલકરે સૂર્યાનો કેચ છોડ્યો ને મેચ ગુમાવી; મોમેન્ટ્સ

T-20 વર્લ્ડ કપની 25મી મેચમાં ભારતે અમેરિકાને 7 વિકેટે હરાવ્યું. આ જીત સાથે ટીમ ઈન્ડિયા વર્લ્ડ કપના સુપર-8માં પહોંચી ગઈ છે.

બુધવારે નાસાઉ કાઉન્ટી ક્રિકેટ સ્ટેડિયમમાં ભારતીય ટીમે ટૉસ જીતીને બોલિંગ કરવાનો નિર્ણય કર્યો હતો. અમેરિકાએ 20 ઓવરમાં 8 વિકેટે 110 રન બનાવ્યા હતા. જવાબમાં ભારતીય ટીમે 18.2 ઓવરમાં 3 વિકેટે ટાર્ગેટ ચેઝ કરી લીધો હતો.

મેચ દરમિયાન ઘણી રોમાંચક ક્ષણો જોવા મળી હતી. મેચ પહેલાં અમેરિકન સિંગર અને એક્ટર મેરી મિલબેને અમેરિકાનું રાષ્ટ્રગીત ગાયું હતું. અમેરિકાના નીતિશ કુમારે તેની 200મી સિક્સર ફટકારી. લેફ્ટ આર્મ પેસર અર્શદીપ સિંહે મેચના પહેલા બોલ પર વિકેટ લીધી હતી.

જાણો IND Vs USA મેચની 7 મોમેન્ટ્સ…

1. મેચના પહેલા બોલ પર અર્શદીપ સિંહને વિકેટ
મેચના પહેલા બોલ પર અર્શદીપ સિંહે વિકેટ લીધી હતી. તેણે જહાંગીરને LBW આઉટ કર્યો હતો. તેણે અમેરિકન ઓપનર શયાન જહાંગીરને LBW આઉટ કર્યા, ત્યારપછી છેલ્લા બોલ પર હાર્દિક પંડ્યાના હાથે એન્ડ્રીસ ગોસને કેચ આઉટ કરાવ્યો.

અર્શદીપ સિંહે 4 ઓવરમાં 9 રન આપીને 4 વિકેટ લીધી હતી.

2. નીતિશ કુમારે 200મી સિક્સ ફટકારી
હાર્દિક અમેરિકાની ઇનિંગ્સની 13મી ઓવર નાખવા આવ્યો હતો. હાર્દિકે ઑફ સ્ટમ્પની બહાર નીતીશ કુમારને ફુલ લેન્થમાં બોલ ફેંક્યો હતો. નીતિશે જગ્યા બનાવી અને સીધો શોટ રમ્યો. બોલ સાથે બેટનું ટાઇમિંગ શાનદાર હતું. છગ્ગા માટે બોલ સીધો સાઈટસ્ક્રીન પર ગયો. આ ટુર્નામેન્ટની 200મી સિક્સ હતી.

નીતિશ કુમારે 23 બોલમાં 27 રન બનાવ્યા હતા.

3. સિરાજે બાઉન્ડરી પર ગજબની છલાંગ લગાવીને કેચ કર્યો
અમેરિકાએ 15મી ઓવરમાં પાંચમી વિકેટ ગુમાવી હતી. અહીં નીતિશ કુમાર 27 રન બનાવીને આઉટ થયો હતો. તેને અર્શદીપ સિંહે સિરાજના હાથે કેચ કરાવ્યો હતો. સિરાજે ડીપ મિડવિકેટ પર જમ્પ કરીને શાનદાર કેચ પકડ્યો હતો. સાઇડ બાઉન્ડરી 63 મીટર હતી. સિરાજ બોલને જજ કરવામાં થોડો મોડો થયો હતો. અંતે સિરાજે બાઉન્ડરીથી 10 મીટર પહેલાં શાનદાર કેચ પકડ્યો હતો.

હવામાં કૂદતી વખતે સિરાજ.

4. નેત્રાવલકરે કોહલીને ઝીરો પર પેવેલિયન મોકલ્યો
ભારતીય ટીમે પહેલી જ ઓવરમાં એક વિકેટ ગુમાવી દીધી હતી. વિરાટ કોહલી ઝીરો આઉટ થયો હતો. તે સૌરભ નેત્રાવલકરની બોલિંગમાં વિકેટકીપર એન્ડ્રીસ ગૌસના હાથે કેચ આઉટ થયો હતો. આ પછી નેત્રાવલકરે ત્રીજી ઓવરમાં રોહિતને કેચ આઉટ કરાવ્યો હતો.

સૌરભે કોહલીને ઝીરોના સ્કોર પર આઉટ કર્યો હતો.

5. સૂર્યકુમારનો કેચ નેત્રાવલકરે છોડ્યો
ભારતીય ઇનિંગ્સની 13મી ઓવરમાં શેડલી વેન શાલ્કવિક બોલિંગ કરી રહ્યો હતો. સૂર્યા સેટ થઈ ગયો હતો. શેડલી વેન શાલ્કવીકે ઓવરનો ત્રીજો બોલ શોર્ટ ઑફ ગુડ લેન્થ બોલ પર ફેંક્યો હતો. શોર્ટ થર્ડ મેન પર મેચમાં સૌરભ નેત્રાવલકરે કેચ છોડ્યો. જ્યારે કેચ છૂટ્યો ત્યારે સૂર્યા 22 રન પર રમી રહ્યો હતો. આ પછી સૂર્યાએ ફિફ્ટી ફટકારીને અને ટીમને જીત અપાવી.

સૌરભે 22 રન પર સૂર્યાને જીવનદાન આપ્યું હતું.

6. સિરાજે હરમીતનો કેચ છોડ્યો
અર્શદીપ 18મી ઓવરમાં બોલિંગ કરવા આવ્યો હતો. શોર્ટ પિચ બોલ લેગ સ્ટમ્પ પર હતો. હરમીત પુલ રમ્યો. બેટની ટોચની ધાર વાગી અને ડીપ સ્ક્વેર લેગમાં સિરાજ પાસે ગયો. પરંતુ બોલને જજ કરી શક્યો નહીં. તેણે ડાઈવ લગાવી પરંતુ બોલને પકડી શક્યો નહીં.

સિરાજ હરમીત સિંહનો કેચ લેવાનો પ્રયાસ કર્યો.

7. અમેરિકન ગાયિકા મેરી મિલબેને રાષ્ટ્રગીત ગાયું
ભારત-યુએસ મેચ પહેલાં અમેરિકન સિંગર અને એક્ટર મેરી મિલબેને અમેરિકાનું રાષ્ટ્રગીત ધ સ્ટાર સ્પાંગલ્ડ બેનર ગાયું હતું.

અમેરિકન ગાયિકા મેરી મિલબેન રાષ્ટ્રગીત ગાતી હતી.