15 મિનિટ પેહલા
- કૉપી લિંક
યશ રાજ પ્રોડક્શનના સ્પાઇ યુનિવર્સની આગામી ફિલ્મમાં આલિયા ભટ્ટ લીડ રોલમાં જોવા મળશે. હવે આ ફિલ્મને લગતું લેટેસ્ટ અપડેટ સામે આવ્યું છે.
સાંભળવામાં આવ્યું છે કે, આ ફિલ્મમાં બોબી દેઓલને વિલનની ભૂમિકામાં લેવામાં આવ્યો છે. આ નામ વિનાની ફિલ્મમાં આલિયા અને બોબી ઉપરાંત શર્વરી વાળા પણ મહત્ત્વના રોલમાં જોવા મળશે.
ગયા વર્ષે રિલીઝ થયેલી ‘એનિમલ’માં વિલનની ભૂમિકામાં બોબીને ખૂબ પસંદ કરવામાં આવ્યો હતો
2024ના બીજા ભાગમાં શૂટિંગ શરૂ થશે
ફિલ્મ સાથે જોડાયેલા એક સૂત્રનું માનીએ તો ‘એનિમલ’ની સફળતા બાદ બોબીને વધુ વિલનના રોલ ઓફર કરવામાં આવી રહ્યા છે. આ ફિલ્મમાં પણ તે આલિયા અને શર્વરી સાથે ટક્કર કરતો જોવા મળશે. બોબીએ ફિલ્મ સંબંધિત પેપર વર્ક પૂર્ણ કરી લીધું છે અને આ વર્ષના બીજા ભાગમાં આ ફિલ્મનું શૂટિંગ શરૂ કરશે.
આ ફિલ્મ સિવાય આલિયા ફિલ્મ ‘જીગ્રા’માં પણ એક્શન કરતી જોવા મળશે.
આલિયા-બોબી પહેલીવાર સાથે કામ કરશે
સૂત્રએ એ પણ માહિતી આપી હતી કે, આ ફિલ્મમાં બોબી ખાસ લુકમાં જોવા મળશે. તે આ પહેલા ક્યારેય આ લુકમાં જોવા મળ્યો ન હતો. આ ફિલ્મ દ્વારા આલિયા અને બોબી પણ પહેલીવાર એક ફિલ્મમાં સાથે કામ કરશે.
ગયા વર્ષે ડિસેમ્બરમાં રિલીઝ થયેલી આલિયાના પતિ રણબીર કપૂરની ફિલ્મ ‘એનિમલ’માં બોબી વિલનની ભૂમિકામાં જોવા મળ્યો હતો.
કંગુવામાં પણ વિલનની ભૂમિકા ભજવી રહી છે
જ્યારથી ‘એનિમલ’ હિટ થઈ છે ત્યારથી બોબી વિલન ઑફર્સથી ઘેરાઈ ગયો છે. આ ફિલ્મ ઉપરાંત તે સાઉથના સુપરસ્ટાર સૂર્યાની આગામી ફિલ્મ ‘કંગુવા’માં પણ વિલનની ભૂમિકા ભજવી રહ્યો છે.
‘કંગુવા’ બોબીની તમિલ ડેબ્યુ ફિલ્મ હશે
‘ધ રેલ્વે મેન’ ફેમ શિવ રવૈલ દિગ્દર્શન કરશે
આ સ્પાઇ યૂનિવર્સની ફિલ્મનું દિગ્દર્શન શિવ રાવૈલ કરશે જેમણે અગાઉ યશ રાજ માટે ‘ધ રેલ્વે મેન’નું દિગ્દર્શન કર્યું છે. શિવ રાવૈલ આદિત્ય ચોપરાના આસિસ્ટન્ટ ડિરેક્ટર પણ રહી ચૂક્યા છે.
તમને જણાવી દઈએ કે, યશ રાજ પ્રોડક્શન્સે સલમાન ખાન સ્ટારર ફિલ્મ ‘એક થા ટાઈગર’થી સ્પાઇ યૂનિવર્સની શરૂઆત કરી હતી, ત્યારથી અત્યાર સુધી આ યૂનિવર્સમાં ‘ટાઈગર ઝિંદા હૈ’, ‘વાર’, ‘પઠાણ’ અને ‘ટાઈગર 3’ જેવી ફિલ્મો શામેલ થઈ ચૂકી છે.
