નવી દિલ્હી8 મિનિટ પેહલા
- કૉપી લિંક
EDએ મંગળવારે (2 એપ્રિલ) TMC નેતા મહુઆ મોઇત્રા વિરુદ્ધ મની લોન્ડરિંગનો કેસ નોંધ્યો છે. કેશ ફોર ક્વેરી કેસમાં સીબીઆઈની એફઆઈઆરના આધારે આ કેસ નોંધવામાં આવ્યો છે. મહુઆ પર ફેમા (ફોરેન એક્સચેન્જ મેનેજમેન્ટ એક્ટ)ના નિયમોનું ઉલ્લંઘન કરવાનો આરોપ છે. સમાચાર એજન્સી ANIએ સૂત્રોને ટાંકીને આ માહિતી આપી છે.
અગાઉ, EDએ FEMA સંબંધિત કેસમાં મહુઆને સમન્સ મોકલ્યું હતું અને તેમને 28 માર્ચે હાજર થવા જણાવ્યું હતું. કેટલાક વિદેશી ટ્રાન્ઝેક્શન અને NRI એકાઉન્ટ સાથે સંકળાયેલા વ્યવહારો પણ એજન્સીના સ્કેનર હેઠળ છે. પરંતુ તેમણે લોકસભા ચૂંટણી પ્રચારમાં વ્યસ્ત હોવાનું જણાવીને હાજર થવાનો ઇનકાર કર્યો હતો. મહુઆને EDનું આ ત્રીજું સમન્સ હતું.
મહુઆ ઉપરાંત EDએ બિઝનેસમેન દર્શન હિરાનંદાનીને પણ સમન્સ જારી કરીને પૂછપરછ માટે બોલાવ્યા હતા. અગાઉ દર્શનના પિતા નિરંજન હિરાનંદાની મુંબઈમાં એજન્સી સમક્ષ હાજર થયા હતા.
મહુઆ પર લોકસભામાં પૈસા માટે સવાલો પૂછવાનો આરોપ છે
વાસ્તવમાં ગયા વર્ષે 2023માં બીજેપી સાંસદ નિશિકાંત દુબેએ મોઇત્રા પર મોંઘા ગિફ્ટ અને પૈસાના બદલામાં બિઝનેસમેન દર્શન હિરાનંદાનીના કહેવા પર અદાણી ગ્રૂપ અને વડાપ્રધાન નરેન્દ્ર મોદીને નિશાન બનાવવા માટે લોકસભામાં પ્રશ્નો પૂછવાનો આરોપ લગાવ્યો હતો.
મહુઆ પર રાષ્ટ્રીય સુરક્ષા સાથે ચેડા કરવાનો પણ આરોપ હતો. આ પછી, આ મામલો લોકસભાની એથિક્સ કમિટીને મોકલવામાં આવ્યો, જ્યાં મહુઆને દોષી ઠેરવવામાં આવી.
સીબીઆઈ કેશ ફોર ક્વેરી કેસમાં પણ તપાસ કરી રહી છે
કેન્દ્રીય તપાસ એજન્સી સીબીઆઈ ટીએમસી સાંસદ મહુઆ મોઇત્રા સામે પણ પ્રાથમિક તપાસ કરી રહી છે. આ મામલો માત્ર કેશ ફોર ક્વેરી કેસ સાથે સંબંધિત છે. ન્યૂઝ એજન્સી પીટીઆઈના જણાવ્યા અનુસાર, લોકપાલના નિર્દેશ બાદ સીબીઆઈએ તપાસ શરૂ કરી છે. આ તપાસના આધારે એજન્સી નક્કી કરશે કે મોઇત્રા વિરુદ્ધ ક્રિમિનલ કેસ નોંધવો જોઈએ કે નહીં.
પ્રાથમિક તપાસ હેઠળ સીબીઆઈ કોઈ આરોપીની ધરપકડ કે શોધ કરી શકતી નથી, પરંતુ તે માહિતી મેળવી શકે છે. ટીએમસી સાંસદની પૂછપરછ પણ કરી શકે છે.
