આમિર ખાને ગૌરી સાથે દિલ બનાવી પોઝ આપ્યા!: હાથોમાં હાથ નાખીને ફિલ્મ ફેસ્ટિવલમાં એન્ટ્રી મારી, ગર્લફ્રેન્ડની સાદગીએ ચાહકોનું ધ્યાન ખેંચ્યું

બોલિવૂડના મિસ્ટર પરફેક્શનિસ્ટ આમિર ખાન આજકાલ તેની પ્રોફેશનલ લાઇફ કરતાં પર્સનલ લાઈફના કારણે વધુ ચર્ચામાં છે. આમિર ખાને તાજેતરમાં જ તેના જન્મદિવસ પર તેની ગર્લફ્રેન્ડ ગૌરી સ્પ્રેટ વિશે મીડિયા સાથે વાત કરી હતી. તેણે કહ્યું, ગૌરી અને હું 25 વર્ષ પહેલાં મળ્યાં હતાં અને હવે અમે રિલેશનશિપમાં છીએ. અમે એકબીજા પ્રત્યે ખૂબ જ સિરિયસ અને કમિટેડ છીએ. અમે દોઢ વર્ષથી સાથે છીએ. એવામાં આમિર હાલમાં મકાઉ ઈન્ટરનેશનલ ફેસ્ટિવલમાં તેની ગર્લફ્રેન્ડ ગૌરી સ્પ્રૈટ સાથે જોવા મળ્યો હતો.

આમિર-ગૌરીના ફોટો અને વીડિયો સોશિયલ મીડિયા પર વાઈરલ થઈ રહ્યા છે. રિલેશનશિપની જાહેરાત બાદ આ પહેલી ઈવેન્ટ છે જેમાં બંને સાથે જોવા મળ્યાં. એક્ટરે મકાઉ ફિલ્મ ફેસ્ટિવલમાં ગર્લફ્રેન્ડના હાથોમાં હાથ નાખી એન્ટ્રી મારી હતી. આ દરમિયાન, આમિરે બ્લેક કુર્તા-પાયજામા અને બ્લેક-ગોલ્ડન શાલથી લુક પૂર્ણ કર્યો હતો, જ્યારે ગૌરી સ્પ્રેટે ફ્લોરલ પ્રિન્ટ સાડી પહેરી હતી. ગૌરીની સાદગીએ ચાહકોનું ધ્યાન ખેંચ્યું હતું.

જે વીડિયો સામે આવ્યો છે તેમાં આમિર ખાન રેડ કાર્પેટ પર તેની ગર્લફ્રેન્ડ સાથે પાપારાઝીને પોઝ આપે છે. એક વીડિયોમાં બંને દીલ બનાવી પોઝ આપતા જોવા મળ્યા હતા તો બીજા વીડિયોમાં ગૌરી સતત આમિર તરફ પ્રેમથી જોઈ રહી છે.

એક્ટર આમિર-ગૌરી સાથે શેન ટેંગ અને મા લી (ચીની કોમોડિયન કલાકાર)

આમિર-ગૌરીની ફિલ્મ ફેસ્ટિવલની તસવીરો જુઓ-

ઇન્ટરનેશનલ કોમેડી ફિલ્મ ફેસ્ટિવલમાં આમિર-ગૌરીની હાજરી

આમિર ખાને ગૌરી સાથે દિલ બનાવી પોઝ આપ્યો

ચીની કલાકારો સાથે આમિર-ગૌરીની હાજરી

આમિર ખાનને માસ્ટર હ્યુમર એવોર્ડથી સન્માનિત કરવામાં આવ્યો હતો

14 માર્ચે આમિર ખાને મીડિયા સાથે પોતાનો 60મો જન્મદિવસ ઉજવ્યો. આ સમય દરમિયાન, તેણે ગૌરીનો પરિચય મીડિયા સાથે કરાવ્યો અને રિલેશનશિપની સત્તાવાર રીતે પુષ્ટિ કરી હતી. જોકે, આ સમયે આમિરે મીડિયાને ગૌરીનો ફોટો ક્લિક ન કરવા વિનંતી કરી હતી.

12 માર્ચે આમિરે પ્રી-બર્થ-ડે પાર્ટીમાં ગૌરીનો પરિચય સલમાન અને શાહરુખ સાથે કરાવ્યો હતો

જાણો, કોણ છે આમિર ખાનની નવી ગર્લફ્રેન્ડ ગૌરી-

ગૌરી સ્પ્રેટની તસવીર