શૂટિંગના કારણે અક્ષય-ટાઈગર પ્રાણ-પ્રતિષ્ઠા સમારોહમાં સામેલ ન થયા: જોર્ડનમાં લગાવ્યા જય શ્રી રામના નારા, રણવીર-દીપિકાએ દીપ પ્રગટાવ્યા, એલ્વિશે કર્યો ભંડારો

અયોધ્યામાં 6 દિવસ ચાલેલા ધાર્મિક અનુષ્ઠાન બાદ, 22 જાન્યુઆરી, સોમવારે રામ લલ્લાનો અભિષેક કરવામાં આવ્યો હતો. આ સમારંભમાં બોલિવૂડના ઘણા સેલેબ્સને પણ આમંત્રણ આપવામાં આવ્યું હતું. જેમાં રણબીર કપૂર-આલિયા ભટ્ટ, કેટરિના કૈફ-વિકી કૌશલ, આયુષ્માન ખુરાના, નિર્દેશક રોહિત શેટ્ટી, કંગના રનૌત, રજનીકાંત, જેકી શ્રોફ, માધુરી દીક્ષિત, અમિતાભ બચ્ચન અને અભિષેક બચ્ચન સહિત ઘણા બોલિવૂડ સેલેબ્સે ભાગ લીધો હતો.

ડાયરેક્ટર રોહિત શેટ્ટીએ પણ પ્રાણ-પ્રતિષ્ઠા સમારોહમાં હાજરી આપી હતી. તેણે આ વીડિયો મીડિયા પર શેર કર્યો છે જેમાં રોહિત ઉપરાંત વિકી કૌશલ, રણબીર કપૂર, કેટરિના કૈફ અને આયુષ્માન ખુરાના પણ જોવા મળી રહ્યા છે

જો કે, અક્ષય કુમાર, અનુષ્કા શર્મા-વિરાટ કોહલી, શિલ્પા શેટ્ટી સહિત ઘણા સેલેબ્સ આ સમારોહમાં હાજરી આપી શક્યા ન હતા. જાણો તેની પાછળનું કારણ આ સમાચારમાં…

જોર્ડનમાં ફિલ્મ ‘બડે મિયાં છોટે મિયાં’ના સેટ પર જય શ્રી રામ ગીત પર ડાન્સ કરી રહેલા અક્ષય-ટાઈગર અને ક્રૂ મેમ્બર્સ

જોર્ડનમાં શૂટિંગ કરી રહેલા અક્ષય-ટાઈગરે સેટ પર કરી ઉજવણી
રામમંદિરના નિર્માણ માટે ગુપ્ત દાન આપનાર અક્ષય કુમાર આ પ્રાણ-પ્રતિષ્ઠા સમારોહમાં હાજર રહી શક્યો ન હતો. કારણ એ છે કે તે હાલમાં ટાઇગર શ્રોફ સાથે જોર્ડનમાં તેની આગામી ફિલ્મ ‘બડે મિયાં છોટે મિયાં’નું શૂટિંગ કરી રહ્યો છે. જોકે, બંનેએ સેટ પર જ ક્રૂ મેમ્બર્સ સાથે ‘જય શ્રી રામ’ના નારા લગાવીને ઉજવણી કરી હતી. આ સિવાય બંનેએ ચાહકો માટે એક ખાસ સંદેશ શેર કર્યો હતો અને આ શુભ દિવસે તેમને શુભેચ્છા પાઠવી હતી. બીજી તરફ, ટાઈગરના પિતા જેકી શ્રોફ ચોક્કસપણે અભિષેક સમારોહમાં સામેલ થયા હતા.

આ તસવીર ત્યારની છે જ્યારે વિરાટ અને અનુષ્કાને પ્રાણ-પ્રતિષ્ઠા સમારોહમાં હાજરી આપવાનું આમંત્રણ મળ્યું હતું

વિરાટ-અનુષ્કાએ પણ હાજરી આપી ન હતી
આ સમારોહ માટે વિરાટ કોહલી અને અનુષ્કા શર્માને પણ આમંત્રણ આપવામાં આવ્યું હતું. જો કે, બંનેએ તેમાં ભાગ લીધો ન હતો. અહેવાલો અનુસાર, અનુષ્કા બીજી વખત માતા બનવા જઈ રહી છે અને આ જ કારણ હતું કે બંને આ સમારોહમાં હાજર ન રહી શક્યા. માનવામાં આવે છે કે, આ કારણે વિરાટ કોહલી ઈંગ્લેન્ડ સામે 25 જાન્યુઆરીથી શરૂ થઈ રહેલી 5 ટેસ્ટ મેચની શ્રેણીની પ્રથમ 2 મેચમાંથી બહાર થઈ ગયો છે. વિરાટે અંગત કારણોસર પોતાનું નામ પાછું ખેંચ્યું છે.

આ પ્રસંગે શિલ્પા શેટ્ટી મુંબઈના સિદ્ધિવિનાયક મંદિર પહોંચી હતી

શિલ્પા શેટ્ટી સિદ્ધિવિનાયક મંદિર પહોંચી હતી
શિલ્પા શેટ્ટી પણ સમારોહમાં હાજરી આપવા માટે અયોધ્યા જઈ શકી નથી. જોકે, આ ખાસ દિવસે તે મુંબઈના પ્રખ્યાત સિદ્ધિવિનાયક મંદિરમાં દર્શન માટે પહોંચી હતી. નારંગી અને ગોલ્ડન સિલ્કની સાડીમાં સજ્જ શિલ્પાએ મંદિરની બહાર ‘જય શ્રી રામ’નો ઝંડો પણ ફરકાવ્યો હતો.

રણવીર અને દીપિકાએ પોતાના ઘરે દીપ પ્રગટાવીને શ્રી રામનું સ્વાગત કર્યું

રણવીર-દીપિકાએ ઘરે દીવો પ્રગટાવ્યો
દીપિકા પાદુકોણ અને રણવીર સિંહ પણ આ કાર્યક્રમમાં આવ્યા ન હતા. જોકે, બંનેએ મુંબઈમાં પોતાના ઘરે દીપ પ્રગટાવીને ભગવાન રામનું સ્વાગત કર્યું હતું.

એલ્વિશ યાદવે ભંડારાનું આયોજન કર્યું હતું. જેમાં તેમણે પોતે પ્રસાદનું વિતરણ કર્યું હતું.

એલ્વિશ યાદવે ભંડારાનું આયોજન કર્યું હતું
એલ્વિશ યાદવે આ પ્રસંગે લોકો માટે ભંડારાનું આયોજન કર્યું હતું. પ્રસાદ વહેંચતી વખતે એક વીડિયો શેર કરતા તેણે લખ્યું, ‘પ્રેમ ગીત ગયે રામ નામ કા, લાલ રંગ હૈ તન મેં, ક્યા ધન ક્યા મોહ ઉસકે લિયે, શ્રી રામ બસે જિસકે મન મેં..જય શ્રી રામ.’

યામી ગૌતમે વીડિયો શેર કરીને અભિનંદન પાઠવ્યા

વીડિયો શેર કર્યા બાદ યામીએ કહ્યું- ‘જય શ્રી રામ’
યામી ગૌતમ પણ આ સમારોહનો ભાગ બની શકી નથી. તેણે સોશિયલ મીડિયા પર એક સંદેશ જારી કરીને તમામ ચાહકોને આ શુભ દિવસની શુભેચ્છા પાઠવી છે.

પ્રાણ પ્રતિષ્ઠા સમારોહમાં ગાયક સોનુ નિગમ.